Petak, 29. ožujka 2024.

Sesvečki potrefizmi, jalizmi i aforizmi

Podravske Sesvete su jedno od najistočnijih mjesta kajkavskog govornog područja, a Sesvečani pak cijenjeni i poznati čuvari i promicatelji domaće kulturne i sportske aktivnosti

- Oglas -

Podravske Sesvete su jedno od najistočnijih mjesta kajkavskog govornog područja, a Sesvečani pak cijenjeni i poznati čuvari i promicatelji domaće kulturne i sportske aktivnosti.

Jedan od njih je bio i Željko Kovačić, pučkoškolski učitelj, znalac starodrevnih običaja te neumoran pisac koji je za života skupio oko 65.000 aforizama, što je svojevrsni svjetski rekord.

Jedan dio njih predstavio je javnosti u svoje dvije knjige Kratkopisi I i II, a iz te bogate riznice izdvojili smo neke zanimljive i danas vrlo aktualne narodne misli i mudrosti. Pisane su starom sesvečkom kajkavicom, ali su svejedno i danas svima lako razumljive.

- Oglas -

Bil je tak brz da ne mogel sam sebe stiči.

Drevo ga je tak jako lupilo v glavu, al ne bil ništ pametneši.

Dobil je novo steklono joko, al sejeno ne ništ videl.

Pojel je sam sebe celoga i još je bil gladen.

Sam je pod sebom kopal jamu, al je ipak opal v tuđu.

- Oglas -

Tak se je dobro skril kaj ne mogel sam sebe najti.

Držal je šaku ftuđem žepu jer mu je tam bilo tople.

Bil je veliki lovec dok ga neso drugi vlovili.

Gledel se je v zrcalu dugo al se ne mogel nikak odlučiti jel to je on ili neje.

Zišel je na loše glase, na dobre neje mogel dojti jer ne bilo mesta.

V megli je iskal puta, a po lepem dnevu je čekal da put najde njega.

Neje mogel nikak k sebi dojti al je zato navek bil kod drugejov.

Otišel je tak daleko naprv da se ne više mogel vrnoti nazaj.

Pometal je sačijega poceka, a na svojem ne videl vrpu smetja.

Bil je pijan od obečanja, al se otreznil mam čim je čul istinu.

Digla je nogu tak visoko da ju ne mogla više spuščati.

Zarad silnoga osečaja ne mogel ni mravca zgaziti, a za čoveka se itak malko premišljal.

Mesto sebe je sakam druge pošiljal, a on je išel tam gdje je sigurno dobival.

Kmica mu je puno pomogla kaj se obogatel, a na dnevu je kmično bogatsvo razebiral.

Bez njega je bilo teško, a znjem još teže.

Vu životu je prvi korak najtežeši, al i drugoga treba napraviti.

Od njega se moglo očekivati da dene i desnu ruku v jogenj, al ne svoju!

Zavidil je tičom radi kril. Dok je je dobil, onda mu ne bilo prav.

Vrgel se v strica. Ko zna kakov bi bil da ga je imal?

Jako je mogel trpeti boli, ali tuđe, ne svoje.

Bil je tuliko politički zrel da je opal z grane jošće jako zelen.

I velika istina mora imati malu istinu.

I za njega su rekli da je pravi trgovec makar nam je stalno prodaval meglu.

Nemre se reči da nas je izdal, jel ne imal pravu priliku.

Nigdar ne išel naprv dok ne mogel.

Da je mogel i dragoga Bogeka bi prevaral, al ne mogel s tak kratke krile doprlantati do njega.

Tak je imal visoku cenu da su mu je morali stalno spuščati.

Navek je samo vekšu vrpu videl i knjoj se primikaval.

Imal je prav tešku ruku, al je navek zemil leku žlicu.

Nuz nas je bil navek dok je nekaj dobival.

Ne čudo kaj mu je navek bil čist posel jer si ne nigdar zamusal ruke.

Zakoračil je na mala vrata, a zišel na velika.

Puno je držal do reči, al samo svoje.

Čem je zinol znali smo kuliko je vur makar nesmo gledeli na našu šetalicu.

Zarad dobre prilike čovek more dojti v jako velike neprilike.

Tak je daleko gledal naprv da mi nigdar nesmo mogli dojti do toga mesta.

Došej je s puno vike , a moral je potijo otijti.

Špranja ga je navčila da ne sme sesti baš na saku desku.

Kuliko je na visoko odletel, tuliko je još niže zletel.

Kak je god brzo zasukal rukave, tak jev je još bržeše odsukal.

Bil je navek buden, al ni drugi neso mogli nikak zaspati.

Dok je stal niko mu ne veruval kaj pripoveda, a čem se itil na kolena počeli su mu veruvati.

Pod srečnom zvezdom se rodil, al ne nikak mogel pogoditi koja je to.

Toliko je bil dober da si ga ne nitko poželjel.

Z velikom mudrostjom pred sakoga je došel, a z velikom bedastočom otišel.

Sakaj je znal zmisliti samo ne poštenu reč.

Najviše je veruval v sebe, al so ga izdale vlastite misli.

Kak bi žnjem došli na kraj kad mu neso mogli najti početka.

Čim je tije govoril, to se glasneše čulo na sve strane.

Od silnoga ponosa ne mogel čoveka pogledati v joči neg je stalno gledel v zemlju.

Od sega nam je najrašji dodaval praznoga tanjera.

Veruval je v se i sakaj, a na zadnje v nikaj.

Malo je vedril, al je zato puno više oblačil.

Bil je navek za pravicu, ali samo ako je bila njegva.

Ak si sam ne zemeš nitko ti ne bu dal.

Bil je tak pouzdan koliko su ga platili.

Ak neje pred se ni za se onda zna se.

Puno leže je na vlasti biti neg vlast trpeti.

Otkud so ga samo spuknoli, a mi ga nesmo mogli nigde najti?

Ne moral stati na vagu, znali smo kuliko je težek.

Da je bil tak jak na rukaj kak na jeziku, ko bi mu bil v semu raven.

Padati na najnižeše grane neje nam lepo, al nam je leže dok druge vidimo na još nižeše.

Ako mu neso dali pravu reč, kaj so onda mogli od njega očekivati.

Ako očeš da te nasade, otiji med toporice.

Bolje se po noči stoput buditi , neg jemput za navek zaspati.

Kuliko kapljic, tuliko let za nas, o vam si još premišljamo.

Oglas

Najnovije objave

Vezane vijesti